ጻውዒት UN ንፈደራልን ህወሓትን

ህወሓትን ፌደራልን ናብ ሰላም ክመጹ ውድብ ሕቡራት ሃገራት ጸዊዑ።

ፌደራላዊ መንግስቲ ኢትዮጵያን ክልል ትግራይን፡ ድምጺ ህዝቢ ሰሚዖም ኣብ ዘሰሓሕቡ ዘለዉ ጉዳያት ሓባራዊ መፍትሒ ንምርካብ ክጽዕሩ ሕቡራት መንግስታት ጸዊዑ።

ነዚ ዝገለጸ ልኡኽ ውድብ ሕቡራት ሃገራትን፡ ኣተሓባባሪ ሰብኣዊ ረድኤት ውድብ ሕቡራት ሃገራት ኣብ ኢትዮጵያ ዝኾነን ኦዞንያ ኦጀሎ ኮይኑ፡ ድሌት ህዝብታት ኢትዮጵያ “መሰረታዊ ህላወን” “ኲናት ከይጋደድ ንምክልኻልን’ዩ” ዝበለ ኮይኑ፡ ክልቲኦም ሓይልታት ፌደራልን ክልል ትግራይን፡ ድሌት ህዝቢ ተረዲኦም ጸገማቶም ንምፍታሕ ክተግሁ ጸዊዑ።

ኦዞንያ ኦጀሎ ነዚ ጻውዒት ዘቕረበ፡ ኣብ ክልል ትግራይ መጥቃዕቲ ሰብ ኣልቦ ነፈርቲን፡ ተደጋጋሚ ውግእን ኣብ ዝካየደሉ ዘሎ እዋን ኮይኑ፡ ህዝቢ ትግራይ ኮነ መላእ ህዝቢ ኢትዮጵያ ካብ ኲናት መፍትሒ ክረክብ’የ ዝብል እምነት ከምዘይብሉ ብምጥቃስ’ዩ፡ ኩሎም ተራጸምቲ ሓይልታት ሰላማዊ መፍትሒ ከናድዩ ዝጽውዕ።

ትማሊ ሰንበት ኣብ ደቡብ ትግራይ ንውሑዳት ሰዓታት ዝቐጸለ ተኹሲ ከምዝተወልዐ፡ ናይ ዓይኒ መሰኻኽር ንዶቸ ቬል ዝሓበሩ ኮይኖም፡ ቅድሚ ሕጂ ውን ብተመሳሳሊ፡ ኣብ ከባቢ ኣላማጣን ሸራሮን መጥቃዕቲ ሰብ ኣልቦ ነፈርቲ ከም ዝተፈጸመን፡ ኣብ ዶባት ኢትዮጵያን ሱዳንን ኣብ ዝርከብ ከባቢታት ሸረሪና ውን ብተመሳሳሊ ደማዊ ውግእ ተወሊዑ ምንባሩን፡ ኩሉ ንህዝብታት ዝተርፍ ጥቕሚ ከምዘይብሉን’ዩ ዘረድእ።

ኣብ ወርሒ መጋቢት 2026፡ ፍሉይ ልኡኽ ውድብ ሕቡራት ሃገራት ኣብ ኢትዮጵያ ኮይኑ፡ ብዋና ጸሓፊ ሕቡራት ሃገራት ኣንቶንዮ ጉቴረዝ ዝተሾመ ናይጀርያዊ ኦዞንያ ኦጀሎ ኣስዒቡ፡ ኩሎም ተዋጋእቲ ወገናት ናብ ሰለማዊ ዘተ ክምለሱ ዝጸውዐ ኮይኑ፡ “ህዝቢ ትግራይ ኣብ ንቡር ቁጠባዊ ምንቅስቓሳት ተሳቲፉ፡ ብዘይ ፍርሒ ናብ ንቡር ናብራኡ ንክምለስ”፡ ፖለቲካዊያን ተዋሳእቲ ዓመጽ ካብ ምጥቃም ክቑጠቡ ኣተሓሳሲቡ።

ኣብ ትግራይ ዝርከባ 148 ቀበሌታት፡ ዛጊት “ጥብ ዝብል ዝናብ” ከምዘይረኣያ ዝገለጸ ፍሉይ ልኡኽ ሕቡራት ሃገራት ኣብ ኢትዮጵያን፡ ኣተሓባባሪ ሰብኣዊ ረድኤት ኢትዮጵያን ብኤል ኒኖ ብወገኑ፡ ኣብቲ ዞባ ዝረአ ዘሎ ከቢድ ድርቂ፡ ብሓፈሻ ኣብታ ሃገር ከቢድ ጸገም ውሕስነት መግቢ የስዕብ ከምዘሎ ዘጠንቀቐ ኮይኑ፡ ኣብቲ ክልል ዘሎ ወጥሪ ፍርሒ ይፈጥር ምህላዉ፡ ከም ሳዕቤኑ ከኣ፡ ዜጋታት ኣብ ማሕበረሰቦምን ቁጠባዊ ምንቅስቓሳቶምን ጸገማት ይገጥሞም ምህላዉ’ዩ፡ ብዓርቢ ኣብ ዘመሓላለፎ ናይ ቪድዮ መልእኽቲ ገሊጹ።

ናብ ትግራይ ተጓዒዙ ንሓያሎ ተጻባእቲ ኣካላት ዘዘራረበ ኦዞንያ ኦጀሎ፡ ህዝቢ ኲናት ከምዘይደሊ ብምግላጽ፡ “እቲ ወጥሪ ክሃድእ እንተተደልዩ፡ ፖለቲካውያን ተዋሳእቲ ፍልልያቶም ንምፍታሕ ኣብ ምርድዳእ ክበጽሑ፡ ድሌት ውድብ ሕቡራት ሃገራት ምዃኑ’ዩ ዝገልጽ።